Hans Jonas

Hans Jonas
Persona informo
Naskiĝo	10-an de majo 1903 (1903-05-10) en Mönchengladbach
Morto	5-an de februaro 1993 (1993-02-05) (89-jaraĝa) en Nov-Jorko
Lingvoj	germana • angla
Ŝtataneco	Germanio
Alma mater	Universitato de Marburg Humboldt-Universitato en Berlino Universitato de Hajdelbergo Universitato Alberto Ludoviko de Frajburgo
Okupo
Okupo	filozofo universitata instruisto mediprotektulo
Verkoj	The Gnostic Religion The Imperative of Responsibility
v • d • r

Hans Jonas - naskiĝis la 10-an de majo 1903 en Mönchengladbach, mortis 89-jaraĝa la 5-an de februaro 1993 - estis germana-usona filozofo, universitata instruisto kaj mediprotektulo.

Li estis ido de juda familio, kaj jam kiel lernejano li engaĝiĝis en cionismaj grupoj. En 1921 li 17-jara per abituro finis la gimnazion en sia naskiĝurbo, samjare en aprilo studentiĝis pri filozofio kaj arta historio en la Universitato Alberto Ludoviko de Frajburgo kaj post duona jaro tie en oktobro de la jaro plustudis en la Humboldt-universitato en Berlino. En aprilo 1923 li komencis cionisman agrikulturan kurson kiu prepariĝu por la elmigro al Israelo, sed en oktobro revenis al la universitato de Frajburgo, kaj en aprilo 1924, 20-jara, al la universitato de Marburgo. Post kiam Hans Jonas decidis doktoriĝi en 1928, li nelonge moviĝis inter la universitatoj de Hajdelbergo, Bonno kaj Frankfurto por studi, sed poste revenis al Marburgo kaj komencis labori pri sia disertaĵo kun la profesoro Martin Heidegger. Post kiam la nacisocialistoj ekregis en la nun nazia Germanio, Hans Jonas elmigris al Londono en septembro 1933, kaj de tie al Jerusalemo en 1935, kie li aliĝis al la armea milico Haganah. En 1939 li aliĝis al la juda brigado de la brita armeo, dum kvin jaroj defendis judajn setlejojn kontraŭ bombado el Damasko kaj Bejruto. De septembro 1944 li kun la Juda Brigado batalis en la itala kampanjo de la brita armeo. De ĉi tie la brigado pluiris tra liberigita Italio kaj poste trans venkita Nazia Germanio al Belgio kaj Nederlando. En julio 1945, Jonas kun sia trupo estis postenigita en Venlo kaj povis reveni al Mönchengladbach. Ĉi tie li eksciis pri la murdo de sia patrino en la koncentrejo Auschwitz-Birkenau.

Dum la Israela Milito de Sendependeco, Jonas servis en la Israela Armeo. En 1949 li moviĝis al Kanado kaj finfine al Novjorko en 1955. Li estis docento ĉe la Universitato McGill en Montrealo kaj de 1950 ĝis 1954 en la universitato Carleton en Otavo kaj tiam profesoro ĉe la Nova Altlernejo por Socia Esploro (New School for Social Research) en Novjorko. Li tenis gastajn profesorecojn en universitato Princeton, universitato Kolumbio, universitato de Ĉikago kaj la munkena universitato. Interalie li estis akademiano de la Internacia Akademio de Sciencoj kun administra sidejo en Munkeno. En 1987 li honoriĝis per la Pacpremio de la germana librokomerco en Frankfurto ĉe Majno.

Ĉi tiu artikolo ankoraŭ estas ĝermo pri filozofo. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).